25-30/5 Sunny and Rainy day A leisure week before going to work 睇相都應該知我地去左邊度玩, 係幾開心的, 不過真係駛左勁q多錢….. 好想慳錢呀!!!!! Schedule: 25/5 Say byebye to HK, arrive SH at evening, dinner with two consultants 26/5 visit 麗新集團, visit Sports company, buy things at 家樂福 27/5 visit GL events, free lunch there, visit藝術及科技館, 七寶古鎮, dinner全羊宴 28/5 visit 豫園, 上海博物館, massage at night 29/5 visit 正大廣場, 書展, 外灘 30/5 take a rest
31/5 Sunny day 第一日返工, 發現天天都要full suit, sosad Training, 介紹公司, 認識同事, 見dept head, kill times很艱難
1-2/6 Sunny day 已經開始習慣日日迫地鐵, 日日淹沒在車廂, 日日被唔知有心定冇心既色鬼掂到重要部位 兩日返工都係整理d法律文件, 好hea的 冇做過d咩但真係好攰好眼訓
3/6 Sunny day 終於捱到6月了, 由25/5開始就覺得時間過得好慢…. 今朝是HR的training programme, 好鐘意Fiona黎教, 因為只係幾個女仔圍埋吹水吹一朝, 哈哈 仲有我為左做野做得慢d (係supervisor同d同事叫我做慢d=.=) 我特意學了普通話拼音打字 而家拼音打字快左好多, 哈哈
4/6 Sunny day Today is causal day!!!我d smart casual終於可以出動了~ Lunch跟Fiona, Grace同sasa去了4樓食, 非常的好味!! 因為有salad!!! 食完Grace仲要請我地3個飲珍珠奶茶…公司附近有間好好飲的~但幾貴….勁唔好意思!! 我覺得人事部既同事全部都勁nice勁好人呀!!!! I love you all 話說杯珍珠奶茶都幾大杯…我飲到兩點九都未飲完 點知兩點幾Lucy拎住張menu走過黎問我飲d咩, 我話唔駛喇我仲飲緊 佢: 那個會開很久的, 你叫吧! 於是我求其點左杯, 點知拎到手又係勁大杯……….omg…我已經成肚水….. 最正係個行政會議只係開左1個鐘….已經叫耐=.=….. 同埋個行政會議講d野好funny的, 原來行致部管d野都幾好笑 放工仲同vivian, anita巧遇Barbie 館!!! 即刻衝左入去狂影相!!!! 5/6 Sunny day Holiday~全組人去了周庄玩 好靚呀o個度, 不過行既野就有d悶, 因為不停地重複 去左間外觀幾靚既酒樓dinner, 不過d野食真係麻麻 最尾仲送上民族表演! 超好睇呀!!!!!!!! 個導演好犀利囉… 我地對眼勁唔得閒 個表演原價人仔230, 我地110 門票表演車費包哂 抵到爛!!!!!!
6/6 Sunny day
Girls shopping day @ 七蒲 親身感受到咩叫含淚價……….. 大家都瘋狂購物了 雖然d款有d mk, 不過努力d搵都會搵到正貨的! 第一次講價, 條長裙俾我由78蚊嗌到40蚊…….真係好叻仔 But miss my fds in HK very much……they are the best…… 來到這裡….私人時間少得可憐….
7/6 Sunny day 11點幾o係office收到了一個詐騙sms 話我銀行戶口收取左1200蚊, 有查詢就打呢個電話去工商銀行 我呆左 不過心諗, 都就快放lunch, 直接去工商問咩事啦 去到個職員一睇, 就知係流料 佢話呢個係私人電話, 跟住check左我bank acc一毫子都冇少到 個查詢電話應該一打去就收錢收到你傻 隨文附上詐騙sms圖一張
 大家要提高警覺!!!!Be smart all the time!!!! 這天晚上開始又畫畫了, 是最好的私人時間
8/6 Cloudy day 11點幾就跟盧小姐出左去, 送政府批文去閘北既office, 跟住同埋盛小姐, 小白, 去了太平洋百貨lunch 很貴=.= 黎到SH咁耐未食過每人超過30蚊的東西, 但今餐盧小姐請的, 哈哈 整個lunch有d悶…因為大家都用上海話溝通/.\,,, o個一刻真係好想自己識上海話….. 仲有, 盧小姐一餐飯講左兩次我比o岩o岩黎o個陣胖了一點 令我感到好沮喪……. 我心諗, 呢度d野食油到咁…我至憎食油既野….但我都冇得揀…有咩可能唔肥…. 口裡說: 因為這裡的東西都很好吃!!所以就吃多了! 哈哈
………. 之後返閘北睇建築doc, 爭d就訓著, 因為完全睇唔明d圖則 盛小姐: 你是什麼專業的? 盧小姐: 她好像是文科生, 讀中文的, 不過聽曹小姐說她也讀過設計的 盛小姐: 那你應該看過那些圖則呀 我: 沒有….我讀時裝設計的…跟圖則沒有關係….不過用電腦畫出來的想像圖也挺好看的 圖則我就睇唔明 但我竟然得明聽盛小姐同盧小姐gossip講秘書哥哥既婚姻生活!!!!!佢地話秘書哥哥好聽女朋友話, 係個好男人!!!!wow!!
哈哈!!!我對耳仔適當時候就會聽得明上海話!! 之後跟小白參觀閘北office同埋認識下呢邊d同事~閘北比HK Plaza簡陋勁多………我覺得自己好幸福=.= 之後, 惡夢就開始了 盛小姐同盧小姐要帶我去五月花廣場既工地, 小白聽到即刻灑手擰頭話佢係安全第一唔會去 我心諗, 下好危險架? 但曹小姐叫我去見識下我都要去=.= 去到冇耐要跟個睿經理睇工地, 其實HK Plaza呢邊只係想我作為intern仔開下眼界先黎睇工地 盧小姐佢地叫我唔駛帶手袋去, 因為怕整dirty同唔方便 個pk睿經理, 又唔教人地帶安全帽, 又唔俾鞋我換(工地周圍都係釘……….) 咁o岩o個陣有幾個業主黎討論圖則, 佢地就不停地bibala討論, 我就周圍眼望望 好彩有個經理係香港人, 睇得出我都係, 跟住同我嗲兩句, 問我係咪poly讀artitect
我: er…其實唔係…我讀中文 佢話好少OL唔怕污糟肯入工地..讚我肯學習有前途=0=.. 我都係奉命入黎架唧……… 好人零舍快消失, 佢接左個電話就走左, 交帶我一定要跟實睿經理唔好周圍亂走 跟住交帶睿經理帶我行外圍就算, 唔好入去d起緊既房入面 咁我死都痴實個睿經理啦 唔知行到去邊, 個睿經理再次同d業主討論圖則, 仲多左幾個類似阿頭既女人黎 佢全程o係度食煙同討論…眼尾都冇望過我 我見悶, 咪指住d圖則問佢呢樣係乜o個樣係乜, 佢應該又以為我係讀建築 佢: 你不懂的嗎? 不懂就站在一邊, 不要跟著來! Sor 但o個度超黑, 得睿經理有電筒, d樓梯又凌空, 仲要我行後一步就有個大窿可以俾我跌落去然後屋企人可以拎保險o個100萬 我唯有面皮厚地繼續死跟住佢 我繼續擔天望地等佢傾完帶返我落去…. 呢度得石屎同鋼筋我真係認唔到路…… 我等左成個幾鐘, 望住個窗, 諗左好多野 搞咩呀…. 我做咩無啦啦會o係度, 做咩會俾人ignore, 做咩做行政會入工地, 做咩讀中文會黎上海做行政 做咩畫畫下公仔會走黎嶺南讀中文, 做咩我咁hea讀文科會文科成績好之後揀讀中文…. 突然完全唔知我既人生在幹啥………… 我勁想走囉, 呢度勁有壓迫感! 我又冇電話, 跟住又口渴, d塵不停揚起我就不停地吸塵 呢度我又一個人都唔識.. 佢地又唔知我o係度托7 突然間我聽到個睿經理接左個電話, 我估係盧小姐拯救我喇!!!!! 睿經理聽完就講: 快喇快喇就收左線!!! 正呀……..我既希望冇左……. 過左十分鐘到, 佢又接電話, 我聽佢講左句 “ 那個實習生? 我不知道她在哪啊” 我忍唔住行左出黎, “我在這呀!!!!!” 跟住過左分零鐘, 就有個識講廣東話既叔叔黎接我落返去…佢勁好人囉, 不停叫我小心行…. 又問我做乜o係香港讀大學要走黎上海打工….(呢個moment真係唔識答..我完全唔知自己o係度做緊咩) 同鄉係唔同d T____T 落返去臨時office, 見返盧小姐, 勁感動……盧小姐即刻黑睿經理面 同盛小姐用上海話講類似有冇搞錯帶個學生行d咁危險既地方又唔見左佢 唉 然後盧小姐帶我去搭車, 過馬路o個陣佢cool實我, 然後講左句: 你好瘦耶!!!!!! 已經沒用了=.=我知我肥左好多=.= 夜晚, 胃很不舒服, 不停地訓 今日既我真係十萬個想返香港 | 
